Iniesta i qetë para finales

Mesfushori i Spanjës, Andres Iniesta, ka pohuar se ai nuk ka qenë lojtari më i mirë i kampionatit dhe shton se atë çmim do ta sakrifikonte në këmbim me trofeun e madh. “Unë kurrë nuk kam menduar të luaj për vete. Unë nuk mendoj se jam lojtari më i mirë. Unë ndjej se të lumtur do të më bëj ngritja e trofeut”.

“Në futboll, gjithçka është relative. Nuk ka lidhje kush shkëlqen dhe kush jo. Marchisio ka pasur një kampionat të mirë, ashtu sikurse Pirlo. Unë nuk e di kush duhet të jetë lojtari më i mirë dhe as që më intereson kjo”, është shprehur Iniesta. /Telegrafi/