KROACIA

Kualifikimi

Përkundër paraqitjes së mirë në kualifikime, Kroacia zuri vetëm vendin e dytë në Grupin F, ku konkurroi me Greqinë, Izraelin, Letoninë, Gjeorgjinë dhe Maltën, ndërsa kjo për shkak të formës së mirë të helenëve. Përfaqësuesja ballkanike grumbulloi 22 pikë nga shtatë fitore, një barazim dhe dy humbje.

Rezultatet kualifikuese:

03.09.2010 Letoni 0-3 Kroaci
07.09.2010 Kroaci 0-0 Greqi
09.10.2010 Izrael 1-2 Kroaci
17.11.2010: Kroaci 3-0 Maltë
29.03.2011 Gjeorgji 1-0 Kroaci
03.06.2011: Kroaci 2-1 Gjeorgji
02.09.2011: Maltë 1-3 Kroaci
06.09.2011: Kroaci 3-1 Izrael
07.10.2011: Greqi 2-0 Kroaci
11.10.2011: Kroaci 2-0 Letoni



Statistika nga e kaluara në një Kampionat Evropian:

1960 Finale (si pjesë e Jugosllavisë)
1964 Nuk është kualifikuar (si pjesë e Jugosllavisë)
1968 Finale (si pjesë e Jugosllavisë)
1972 Nuk është kualifikuar (si pjesë e Jugosllavisë)
1976 Vendi i katërt (si pjesë e Jugosllavisë)
1980 Nuk është kualifikuar (si pjesë e Jugosllavisë)
1984 Faza grupore (si pjesë e Jugosllavisë)
1988 Nuk është kualifikuar (si pjesë e Jugosllavisë)
1992 Diskualifikohet (si pjesë e Jugosllavisë)
1996 Çerekfinale
2000 Nuk është kualifikuar
2004 Faza grupore
2008 Çerekfinale
2012 Kualifikohet nga vendi i dytë në grup

Gjatë historisë së Kampionatit Evropian, Jugosllavia ka luajtur në dy finale, ndërsa edhe Kroacia ishte pjesë e kësaj federate. Që pas pavarësimit në vitin 1991, përfaqësuesja kroate ka arritur dy herë në çerekfinale të kësaj gare.



Trajneri – Slaven Bilic

Mbrojtësi legjendar kroat në vitin 2006 e zëvendësoi Zlatko Kranjcarin, ndërsa që atëherë e ka drejtuar në mënyrë të admirueshme kombëtaren e tij.

Me kalimin e viteve ai e ka ndryshuar dinamikën e lojës dhe ka angazhuar lojtarë të rinj, ndërsa shumë shpejt u bë trajneri i preferuar i tifozëve.

Në Euro 2008 zhvilloi një kampanjë mjaft të suksesshme kualifikuese, mirëpo u eliminua në çerekfinale nga Turqia pas ekzekutimit të penaltive.

Bilic do ta kërkojë suksesin në këtë Kampionat Evropian, duke qenë se do të jetë turneu i tij i fundit që e drejton përfaqësuesen, para se të kalojë te Lokomotiv Moska. Megjithatë, kualifikimi në fazat e eliminimit direkt është shumë i vështirë, kur kihet parasysh se ka në grup Spanjën, Italinë dhe Irlandën.



Kapiteni – Darijo Srna

Srna është shndërruar në njërën nga figurat më të rëndësishme të kombëtares kroate që kur mori shiritin e kapitenit nga Niko Kovac pas Euro 2008.

29-vjeçari fillimisht luante si mesfushor i djathtë për përfaqësuesen, ndërsa më pas e gjeti veten në anën tjetër të fushës – si mesfushor i majtë dhe këtë pozitë e transferoi edhe te klubi tij, Shakhtar Donetsk.

Ai është i adaptuar si mesfushor defensiv, ku mund t’i realizojë aftësitë e tij udhëheqëse, mirëpo është mjaft efektiv edhe në sulm duke asistuar në golat e ekipit.



Ylli i skuadrës – Luka Modric

Një futbollist mjaft i talentuar, nga i cili pritet që ta inspirojë përfaqësuesen e tij drejt suksesit në Poloni dhe Ukrainë.

Mesfushori kreativ i Tottenhamit është njeriu kyç i Kroacisë, pasi që në momentin e tij më të mirë të lojës, mund ta bëjë secilin kundërshtar që të vuajë.

Aftësitë e tij të pasimit, vizioni, vetëpërmbajtja dhe vetëdija taktike janë me bollëk, ashtu që ai do t’i shfrytëzojë të gjitha këto për t’i nxjerrë ballë për ballë me portierin lojtarët ofensivë Niko Kranjcar e Ivan Rakitic.

---

Skuadra e plotë:

Portierë:
Stipe Pletikosa (FC Rostov)
Danijel Subasic (AS Monaco)
Ivan Kelava (Dinamo Zagreb

Mbrojtës:
Vedran Corluka (Tottenham)
Josip Simunic (Dinamo Zagreb)
Ivan Strinic (Dnipro)
Gordon Schildenfeld (Eintracht Frankfurt)
Domagoj Vida (Dinamo Zagreb)
Jurica Buljat (Maccabi Haifa)

Mesfushorë:
Danijel Pranjic (Bayern Munich)
Darijo Srna (Shakhtar Donetsk)
Ognjen Vukojevic (Dynamo Kiev)
Ivan Rakitic (Sevilla)
Tomislav Dujmovic (Zaragoza)
Luka Modric (Tottenham),
Milan Badelj (Dinamo Zagreb)
Niko Kranjcar (Tottenham)
Ivan Perisic (Borussia Dortmund)
Ivo Ilicevic (Hamburg SV)

Sulmues:
Mario Mandzukic (Wolfsburg)
Eduardo Da Silva (Shakhtar Donetsk)
Nikica Jelavic (Everton)
Ivica Olic (Bayern Munich)/Nikola Kalinic (Dnipro)