ITALIA

Kualifikimi

Italia nuk pësoi asnjë humbje në kuadër të Grupit C kualifikues, ku u përball me Estoninë, Serbinë, Slloveninë, Irlandën e Veriut dhe Ishujt Faroe. Me tetë fitore, dy barazime dhe asnjë humbje, Azzurrët u kualifikuan nga pozita e parë në grup me 26 pikë të grumbulluara.

Rezultatet kualifikuese

03.09.2010: Estoni 1-2 Itali
07.09.2010: Itali 5-0 Ishujt Faroe
08.10.2010: Irlanda e Veriut 0-0 Itali
12.10.2010: Itali 3-0 Serbia
25.03.2011: Slloveni 0-1 Itali
03.06.2011: Itali 3-0 Estoni
07.06.2011: Ishujt Faroe 0-1 Itali
06.09.2011: Itali 1-0 Slloveni
07.10.2011: Serbi 1-1 Itali
11.10.2011: Itali 3-0 Irlanda e Veriut



Statistika nga e kaluara në një Kampionat Evropian:

1960 Nuk mori pjesë
1964 Nuk është kualifikuar
1968 Fitues
1972 Nuk është kualifikuar
1976 Nuk është kualifikuar
1980 Vendi i katërt
1984 Nuk është kualifikuar
1988 Gjysmëfinale
1992 Nuk është kualifikuar
1996 Faza grupore
2000 Finale
2004 Faza grupore
2008 Çerekfinale
2012 Kualifikohet nga vendi i parë në grup

Suksesi i vetëm i Italisë në një Kampionat Evropian mbetet viti i largët 1968. Azzurët e patën mundësinë që ta fitonin edhe titullin e dytë të këtij turneu në vitin 2000, mirëpo u mposhtën në finale nga Franca me golin e artë të minute equaliser to Sylvain Wiltord in normal time before then succumbing David Trezeguet.



Trajneri – Cesare Prandelli

Ish-trajneri i Fiorentinas ishte i vetëdijshëm se do të ketë shumë punë me përfaqësuesen kur e mori atë pas largimit të Marcelo Lippit pas Kampionatit Botëror 2010.

Prandelli filloi të ndërtojë një skuadër të re duke mos i ftuar në lojtarët e mëdhenj
– por të moshuar, dhe u bazua te lojtarët e rinj dhe te të vjetrit që akoma luajnë në nivelin maksimal.

Ishte pikërisht trajneri i dikurshëm i Atalantas, Lecces, Veronas e Parmës, që ftoi dy sulmuesit problematikë, Antonio Cassano dhe Mario Balotelli, të cilët planifikon t’i ketë në sulm edhe në Euro 2012.



Kapiteni – Gianluigi Buffon

Portieri i Juventusit i ka të gjitha kualitetet e një kapiteni: i guximshëm, i fortë, i besueshëm dhe frymëzues. Ai është gjithmonë aty kur vendi ka nevojë për të.

Shiriti i kapitenit i takoi pas KB 2010 kur Fabio Cannavaro u pensionua nga përfaqësuesja. Ai ka qenë disa vjet radhazi ndër portierët më të mirë në botë, mirëpo në disa sezone të kaluara ka pasur probleme me lëndime.

Megjithatë, këtë edicion është kthyer sërish në nivelet e tij më të larta duke bërë intervenime të jashtëzakonshme dhe duke i ndihmuar Juventusit që të shpallej kampion. Prandaj, problemet e numrit një të portës italiane janë pjesë e të kaluarës.



Ylli i skuadrës – Andrea Pirlo

Një tjetër lojtar i Juventusit, i cili në sezonin 2011/2012 ua bëri të qartë drejtuesve të Milanit për gabimin trashanik që bënë me largimin e tij.

Mjeshtri i mesfushës ka qenë njeriu kryesor i Zonjës së Vjetër në triumfin në Serie A dhe padyshim lojtari më i mirë në Itali këtë edicion.

33-vjeçari ishte pjesë e përfaqësuese së Italisë, e cila e fitoi Kampionatin Botëror të vitit 2006, ndërsa për kualitetet e tij flet e kaluara me Milanin (dy tituj të Serie A, një të Kupës së Italisë, dy tituj të Ligës së Kampionëve, një Kupë të Botës për Klube etj.).

---

Skuadra e plotë:

Portierë:
Gianluigi Buffon (Juventus)
Morgan De Sanctis (Napoli)
Salvatore Sirigu (Paris Saint-Germain)

Mbrojtës:
Ignazio Abate (Milan)
Federico Balzaretti (Palermo)
Andrea Barzagli (Juventus)
Leonardo Bonucci (Juventus)
Giorgio Chiellini (Juventus)
Christian Maggio (Napoli)
Angelo Ogbonna (Torino)
Andrea Ranocchia (Inter)

Mesfushorë:
Daniele De Rossi (Roma)
Alessandro Diamanti (Bologna)
Emanuele Giaccherini (Juventus)
Claudio Marchisio (Juventus)
Riccardo Montolivo (Fiorentina)
Thiago Motta (Paris Saint-Germain)
Antonio Nocerino (Milan)
Andrea Pirlo (Juventus)

Sulmues:
Mario Balotelli (Manchester City)
Fabio Borini (Roma)
Antonio Cassano (Milan)
Mattia Destro (Siena)
Antonio Di Natale (Udinese)
Sebastian Giovinco (Parma)