RUSIA

Kualifikimi

Me 23 pikë të grumbulluara, Rusia përfundoi e para në Grupin B. Me konkurrentë të tillë, si Irlanda, Armenia, Sllovakia, Maqedonia dhe Andorra, përfaqësuesja ruse regjistroi shtatë fitore dy barazime dhe asnjë humbje.

Rezultatet kualifikuese:

03.09.2010 Andorra 0-2 Rusi
07.09.2010 Rusi 0-1 Sllovaki
08.10.2010 Irlandë 2-3 Rusi
12.10.2010 Maqedoni 0-1 Rusi
26.03.2011: Armeni 0-0 Rusi
04.06.2011: Rusi 3-1 Armeni
02.09.2011: Rusi 1-0 Maqedoni
06.09.2011: Rusi 0-0 Irlandë
07.10.2011: Sllovaki 0-1 Rusi
11.10.2011: Rusi 6-0 Andorra



Statistika nga e kaluara në një Kampionat Evropian:

1960 Fitues
1964 Finale
1968 Vendi i katërt
1972 Finale
1976 Nuk është kualifikuar
1980 Nuk është kualifikuar
1984 Nuk është kualifikuar
1988 Finale
1992 Faza grupore
1996 Faza grupore
2000 Nuk është kualifikuar
2004 Faza grupore
2008 Gjysmëfinale
2012 Kualifikohet nga vendi i parë në grup

Rusia ka trashëguar sukseset e Bashkimit Sovjetik nëpër garat ndërkombëtare dhe ka një rekord të mirë në turnetë evropiane. Ata ishin fitues në vitin inaugurues të Kampionatit Evropian (1960). Pas triumfit, Rusia ka luajtur dy herë në finale të këtij turneu, ndërsa në Euro 2008 arriti në gjysmëfinale, ku u eliminua nga kampioni në fuqi, Spanja.



Trajneri – Dick Advocaat

Një njeri që gëzon respekt të madh sa i përket profesionit të trajnerit. E kaluara dhe përvoja e tij thonë se ai mund t’i shkaktojë telashe cilësdo përfaqësuese me strategjinë dhe taktikat e tij.

Në të kaluarën, Advocaat ka drejtuar përfaqësuesen e Holandës, Emiratet e Bashkuara Arabe, Korenë e Jugut dhe Belgjikën. Ndërsa në nivel grupesh, ai ka qenë trajner i PSV, Rangers, Zenit, AZ Alkmaar, Borussia Moenchengladbach etj.



Kapiteni – Andrey Arshavin

Anësori 30-vjeçar në dy vitet e fundit ka qenë hija e lojtarit të dikurshëm. Megjithatë, Advocaat ka besim tek ai. Viti i karrierës së tij ishte padyshim viti 2008, kur fitoi Kupën UEFA (Europa League) me Zenitin dhe bëri përshtypje në nivel ndërkombëtar në Euro 2008.

Ky suksese bëri që Arsenali ta transferonte atë në vitin 2009, megjithatë për shkak të rënies në formë, Topçinjtë e huazuan te skuadra e tij e mëparshme, Zenit St Petersburg.



Ylli i skuadrës – Aleksandr Anyukov

Ndoshta lojtari i vetëm rus i klasit botëror. 29-vjeçari e ka dëshmuar veten si mbrojtës i krahut të djathtë me Zenitin, ndërsa edhe në sulm di t’i mbështesë mesfushorët dhe të dhurojë topa për sulmuesit.

Anyukov nga viti 2005 bart fanellën e Zenit St Petersburgut dhe ka një përvojë të mirë edhe në Ligën e Kampionëve, ndërsa trajneri i përfaqësueses e njeh mirë pasi kanë punuar bashkë te klubi rus.

---

Skuadra e plotë:

Portierë:
Igor Akinfeev  
Anton Shunin   
Vyacheslav Malafeev  

Mbrojtës:
Alexander Anyukov   
Roman Sharonov   
Sergey Ignashevich   
Yuri Zhirkov   
Alexey Berezutskiy   
Vladimir Granat   
Kirill Nababkin   

Mesfushorë:
Konstantin Zyryanov 
Marat Nailevich Izmailov 
Dmitriy Kombarov 
Alan Dzagoev 
Denis Glushakov 
Igor Semshov 
Roman Shirokov   
Igor Denisov  

Sulmues:
Andrey Arshavin 
Aleksandr Kerzhakov 
Roman Pavlyuchenko 
Aleksandr Kokorin 
Pavel Pogrebnyak